RoboFutbol

1.1 Umumiy ma’lumot

Robo Futbol musobaqasi ikki kishidan iborat jamoalar o‘rtasida o‘tkaziladi.
Har bir jamoada ikki nafar robot ishtirok etadi.
O‘yin maxsus futbol maydonida ikki bo‘lim shaklida o‘tkaziladi.
Jamoalarning asosiy vazifasi adolatli va texnik jihatdan yaxshi muvofiqlashtirilgan o‘yin ko‘rsatish hamda raqib darvozasiga imkon qadar ko‘proq gol urish.

2.1 Jamoa tarkibi

Har bir jamoa 2 nafar ishtirokchi va 2 ta robotdan iborat.
O‘yin davomida ishtirokchilar robotlarni boshqarish moslamalarini bir-birlariga topshirishlari mumkin.
Jamoalar ishtirok etayotgan paytda murabbiylar o‘yinga aralasha olmaydi.

2.2 Ishtirokchilar talablari

3.1 Robot o‘lchamlari

3.2 Robotning texnik xususiyatlari

Robotlar mustaqil yig‘ilishi kerak (Lego platformasida ishlab chiqarilgan robotlar musobaqaga qo‘yilmaydi).
Robot istalgan simsiz aloqa kanali orqali boshqarilishi mumkin.
Boshqarish moslamasi har qanday qurilmadan iborat bo‘lishi mumkin, lekin o‘yin maydonidan tashqarida bo‘lishi shart.
Robotlar dizayni bir jamoaga tegishli ekanligi aniq ko‘rinib turishi kerak.
Robot maydonga va boshqa robotlarga zarar yetkazadigan o’tkir tig’li qismlar bilan jihozlanishi mumkin emas.

3.3 To‘p bilan munosabat

Robot to‘pni ushlab olishi, ichiga joylashtirishi yoki to‘liq qamrab olishi taqiqlanadi.
Robot to‘pni dribling qilish uchun zarba mexanizmi ishlatishi mumkin.
Robot tanasining to‘pga tegishli qismi 50% dan kam bo‘lishi kerak.

4.1 Maydon tavsifi

Barcha o‘yinlar stol ustidagi ikkita darvozali futbol maydonida o‘tkaziladi.
Maydon va darvozalar o‘lchami tashkilotchilarning texnik imkoniyatlariga qarab o‘zgarishi mumkin.

4.2 To‘p

To‘p musobaqa tashkilotchilari tomonidan taqdim etiladi va barcha jamoalar uchun bir xil bo‘ladi.

5.1 O‘yin tuzilishi

Har bir o‘yin 2 daqiqalik 2 bo‘limdan iborat.
Taymlarning aniq davomiyligi va tanaffus ishtirokchi jamoalar soniga qarab belgilanadi.
Bo‘limlar oralig‘ida 1 daqiqa tanaffus beriladi.

5.2 O‘yin boshlanishi

O‘yin boshlanishidan oldin barcha robotlar tortiladi, o‘lchanadi va karantin hududiga joylashtiriladi.
Robotlar yoqilib, boshqaruv moslamalariga ulanib, tayyor holatga keltirilishi shart.
Hakamning belgisi bilan o‘yin boshlanadi.

5.3 Gol urish va o‘yin davomida yuzaga keladigan holatlar

Gol urilgan deb hisoblanishi uchun to‘p to‘liq darvoza chizig‘idan o‘tishi kerak.
Agar robot shikastlansa yoki ishlamay qolsa, hakam qaroriga ko‘ra o‘yindan chiqarilishi yoki ta’mirlanish uchun vaqt berilishi mumkin.
Agar robotlar o‘z jamoa a’zolari harakati natijasida ag‘darilsa, jamoa o‘z hisobidan robotni o‘yinga qaytarishi mumkin.
Agar robot raqib bilan aloqa natijasida ag‘darilsa, hakam robotni o‘yin vaqtini to‘xtatmasdan qaytaradi.

5.4 Qayta ishga tushirish

To‘p tiqilib qolgan yoki 10 soniyadan ortiq harakatlanmagan bo‘lsa, hakam qayta ishga tushirish e’lon qiladi.
Barcha robotlar maydon yarmiga joylashtiriladi va to‘p maydon markaziga qo‘yiladi.

5.5 Ikki tomonlama himoya

Agar himoyachi jamoaning ikkala roboti ham jarima maydonchasi ichida bo‘lsa va hujumga to‘sqinlik qilsa, hakam penalti belgilashi mumkin.

5.6 O‘yinni tugatish va qo‘shimcha vaqt

Eng ko‘p gol urgan jamoa g‘olib hisoblanadi.
Agar o‘yin oxirida hisob teng bo‘lsa, 2 daqiqalik qo‘shimcha vaqt beriladi (oltin gol qoidasi amal qiladi).
Agar gol kiritilmasa, penaltilar tepiladi.

6.1 Ishtirokchilarning javobgarligi

O‘yin davomida robotlar faqat jamoa a’zolari nazorati ostida bo‘lishi kerak.
Jamolar maydonga chaqirilganda 3 marta guruhlar raqami e’lon qilinadi, 2 daqiqa mobaynida guruhlar robotlari va ishtirokchilari maydonga kelishmasa avtomatik tarzda o’yindan chiqariladi.
O‘yinda murabbiylar, ota-onalar yoki tashqi shaxslar ishtirok etishi qat’iyan taqiqlanadi.
O‘yin vaqtida robot bilan biror nosozlik yuzaga kelsa hakam robotni maydondan chiqarib bermaguncha ishtirokchilar robotga qo’l bilan teginishlari mumkin emas. Agar qo’l bilan teginilsa jarima belgilanadi. Jarimalar soni 3 ta bo’lganda penalti belgilanadi.

6.2 Hakam qarorlari

Hakamlarning qarorlari yakuniy hisoblanadi.
Istalgan jamoa faqat o‘yin tugaganidan keyin darhol hakamga yozma shikoyat berishi mumkin.